Хоразм вилоятида ННТлар вакиллари учун коррупцияга қарши жамоатчилик назорати мавзусида икки кунлик амалий тренинг ўтказилди.
Хоразм вилоятида ННТларга коррупцияга қарши жамоатчилик назоратини кучайтиришда кўмак берилди
29-30 сентябрь кунлари Хоразм вилоятида нодавлат нотижорат ташкилотлари вакиллари учун "Ҳудудларда коррупцияга қарши курашишда жамоатчилик назорати тизимида нодавлат нотижорат ташкилотларининг ролини кучайтириш" мавзусида икки кунлик амалий тренинг ўтказилди.
Тадбир Ўзбекистон нодавлат нотижорат ташкилотлари миллий ассоциацияси ташаббуси билан Европа Иттифоқи томонидан молиялаштирилаётган, Коррупцияга қарши курашиш агентлиги ва БМТ Тараққиёт Дастури ҳамкорлигида кичик грантлар дастури доирасида ташкил этилди.
Тренинг амалий машғулотларга бой бўлди. Айниқса https://regulation.adliya.uz/ ҳуқуқий ахборот портали орқали норматив-ҳуқуқий хужжатлар билан ишлаш иштирокчиларда катта қизиқиш уйғотди.
Машғулот давомида хужжатларни излаш, ўрганиш ва уларнинг мазмунини таҳлил қилиш масалалари кенг муҳокама қилинди.
Энг муҳими – тренинг билан иш тўхтамайди.
Иштирокчилар билан кейинги босқичда коррупцияга қарши курашиш соҳасида жамоатчилик назорати тадбирларини амалга ошириш бўйича аниқ қадамлар белгилаб олинди.
Fotosuratlar+3
